دنیا
امریکی الزام بے بنیاد ہے، سری لنکا میں پکڑی جانے والی منشیات افغانستان میں نہیں تیار ہوئیں، ترجمان افغان طالبان حکومت
افغانستان کے وزراتِ خارجہ کے ترجمان عبدالقہار بلخی نے سری لنکا بھیجی جانے والے منشیات کو افغانستان سے منسلک کیے جانے کو مسترد کرتے ہوئے کہا ہے کہ اسے ممکنہ طور پر پاکستان میں بنایا گیا تھا۔ انھوں نے سوشل میڈیا سائٹ ایکس پر ایک پوسٹ میں کہا کہ ’اسلام آباد میں امریکی سفارت خانے کی جانب سے پاکستان میں امریکہ اور پاکستان کی مشترکہ کارروائی کے دوران سری لنکا بھیجے جانے والے مصنوعی منشیات کے ایک کارگو کو ’افغان نژاد‘ قرار دینا بے بنیاد اور سیاسی محرکات پر مبنی الزام ہے۔